મોટા નગર ના માણસો
ચહેરા વગરના માણસો
હેતુ વગરની ભીડમાં
કારણ વગર ના માણાસો
જાણે ન ઓળખતા મને
મારા જ ઘરના માણસો
અખબાર આખુ વાચતા
વાસી ખબર ના માણસો
રણ-રેત માં ડુબી ગયા
પાણીવગર ના માણસો
પાકી સડકની શોધ મા
કાચી કબરના માણસો
આદિલ
Wednesday, January 30, 2008
તેનો આ અંજામ છે
મેં તજી તારી તમન્ના તેનો આ અંજામ છે,
કે હવે સાચે જ લાગે છે કે તારું કામ છે.
છે સ્ખલન બે ત્રણ પ્રસંગોમાં મને પણ છે કબૂલ,
કોણ જાણે કેમ આખી જિંદગી બદનામ છે.
એક વીતેલો પ્રસંગ પાછો ઉજવવો છે ખુદા!
એક પળ માટે વીતેલી જિંદગીનું કામ છે.
આપની સામે ભલે સોદો મફતમાં થઈ ગયો,
આમ જો પૂછો બહુ મોઘાં અમારાં દામ છે.
જિંદગીના રસને પીવામાં જલ્દી કરો ‘મરીઝ’,
એક તો ઓછી મદિરા છે, ને ગળતું જામ છે.
‘મરીઝ’
કે હવે સાચે જ લાગે છે કે તારું કામ છે.
છે સ્ખલન બે ત્રણ પ્રસંગોમાં મને પણ છે કબૂલ,
કોણ જાણે કેમ આખી જિંદગી બદનામ છે.
એક વીતેલો પ્રસંગ પાછો ઉજવવો છે ખુદા!
એક પળ માટે વીતેલી જિંદગીનું કામ છે.
આપની સામે ભલે સોદો મફતમાં થઈ ગયો,
આમ જો પૂછો બહુ મોઘાં અમારાં દામ છે.
જિંદગીના રસને પીવામાં જલ્દી કરો ‘મરીઝ’,
એક તો ઓછી મદિરા છે, ને ગળતું જામ છે.
‘મરીઝ’
Tuesday, January 29, 2008
પત્રમાં વાદળ લખું
પત્રમાં વાદળ લખું
બસ પ્રિયે કાગળ લખું
ઘાસપર ઝાંકળ લખું
મ્હેકતી લ્યો પળ લખું
ઊંટના પગલાં ગણું
રેત પર મૃગજળ લખું
શબ્દમાં ટહુકા ભરી
સપ્તરંગી જળ લખું
આટલું તારા વિશે,
મૌનમાં ઝળહળ લખું.
નેહા ત્રિપાઠી
બસ પ્રિયે કાગળ લખું
ઘાસપર ઝાંકળ લખું
મ્હેકતી લ્યો પળ લખું
ઊંટના પગલાં ગણું
રેત પર મૃગજળ લખું
શબ્દમાં ટહુકા ભરી
સપ્તરંગી જળ લખું
આટલું તારા વિશે,
મૌનમાં ઝળહળ લખું.
નેહા ત્રિપાઠી
નડે છે.
મુસાફિરને આજે, દિશાઓ નડે છે,
વિકલ્પો નડે છે, વિસામો નડે છે.
ન હો જો કશું તો, અભાવો નડે છે,
મળે જો બધું તો, સ્વભાવો નડે છે.
લઈ એ ફરે છે હૃદયમાં દીવાલો
ના ભૂલી શક્યો જે, બનાવો નડે છે.
નવા નેત્રથી એને, જોવું છે જીવન
ઊગી છે જે આંખે, અમાસો નડે છે.
તને તારું જીવન, ફરી પાછું દેતાં,
હવે એને થોડા, લગાવો નડે છે.
હિમાંશુ ભટ્ટ
વિકલ્પો નડે છે, વિસામો નડે છે.
ન હો જો કશું તો, અભાવો નડે છે,
મળે જો બધું તો, સ્વભાવો નડે છે.
લઈ એ ફરે છે હૃદયમાં દીવાલો
ના ભૂલી શક્યો જે, બનાવો નડે છે.
નવા નેત્રથી એને, જોવું છે જીવન
ઊગી છે જે આંખે, અમાસો નડે છે.
તને તારું જીવન, ફરી પાછું દેતાં,
હવે એને થોડા, લગાવો નડે છે.
હિમાંશુ ભટ્ટ
Subscribe to:
Posts (Atom)
LIST
.........