Saturday, September 18, 2010

હું ક્યાં કહું છું કે મારામાં ઓગળી જાજે

બરફનો પહાડ થઈ મારા પર વહી જાજે,
હું ક્યાં કહું છું કે મારામાં ઓગળી જાજે.

જો મૌન થઈને તું મારા હ્રદયમાં રહી ન શકે,
તો આવ હોઠ સુધી … શબ્દ થઈ ઊડી જાજે.

હું શ્વાસ શ્વાસનું સામીપ્ય ઝંખતોય નથી,
હું ગૂંગળાઉં નહીં એ રીતે વહી જાજે.

તૂટું તૂટું થઈ રહી છે સંબંધની ભેખડ,
જવું જ હોય તો હમણાં જ નીકળી જાજે.

જવું જ હોય તો રોકી શકે છે કોણ તને?
હું તો અહીં જ હઈશ, આવ તો મળી જાજે

- જવાહર બક્ષી

2 comments:

  1. પ્રજ્ઞાબેન, આઉં પણ કચ્છી ઐયા, (આપનો બ્લોગ મને ખુબ-ખુબ ગમ્યો.)

    ReplyDelete
  2. nice collection. I started reading when i was love and wrote few after breakup.
    http://www.mybreakupdays.blogspot.com/

    ReplyDelete

LIST

.........