સોળઆના સાવ સાચી વાત છે સમજાય તો
આપણી સાચી મૂડી,આ જાત છે સમજાય તો
આપણી સાચી મૂડી,આ જાત છે સમજાય તો
પૂજતાં આવ્યા ભલે દઇ અર્ઘ્ય, ઉગતા સૂર્યને
અસ્તની એની ય માથે ઘાત છે સમજાય તો
અસ્તની એની ય માથે ઘાત છે સમજાય તો
ફૂલ પર ઝાકળસમું છે આપણું હોવાપણું
જે ગણો તે, આટલી મીરાત છે સમજાય તો
જે ગણો તે, આટલી મીરાત છે સમજાય તો
કોઇપણ સંબંધ,નિર્ભર લાગણીપર હોય છે
લાગણી તો ઈશ્વરી સોગાત છે સમજાય તો
લાગણી તો ઈશ્વરી સોગાત છે સમજાય તો
ખૂટતી જાહોજલાલી છે બટકણાં શ્વાસની
શ્વાસ ખુદ,ઉચ્છવાસની ખેરાત છે સમજાય તો
શ્વાસ ખુદ,ઉચ્છવાસની ખેરાત છે સમજાય તો
જન્મથી,માણસપણું મોહતાજ છે સંજોગનું
હર ઘડી-પળની અલગ વિસાત છે સમજાય તો
હર ઘડી-પળની અલગ વિસાત છે સમજાય તો
સામસામા છેદ ઉડતાં હોય છે સમજણ વિષે
છેવટે જે કંઇ વધે,ઓકાત છે સમજાય તો !
છેવટે જે કંઇ વધે,ઓકાત છે સમજાય તો !
ડૉ.મહેશ રાવલ
No comments:
Post a Comment