તારી સુવાસ અંગ થકી ઓસરી નથી,
આશ્લેષથી તું જાણે કદીયે સરી નથી…
આશ્લેષથી તું જાણે કદીયે સરી નથી…
ફૂલોએ કેમ જાણી હશે આપણી કથા?
મેં તો ચમનમાં વાત કોઇને કરી નથી…
મેં તો ચમનમાં વાત કોઇને કરી નથી…
આ રસ્તે આવવાની ઉતાવળ કરો નહીં,
આંખો મેં આખે રસ્તે હજી પાથરી નથી…
આંખો મેં આખે રસ્તે હજી પાથરી નથી…
શમણું છે એ કહો છો, તો માની લઇશ હું,
મેં તો હજી બે પાંપણો ભેગી કરી નથી…
મેં તો હજી બે પાંપણો ભેગી કરી નથી…
એને કશું ન ક્હેશો ભલા, એનો વાંક ક્યાં?
એ લોકોએ કદીય મહોબ્બત કરી નથી…
એ લોકોએ કદીય મહોબ્બત કરી નથી…
– હરિન્દ્ર દવે
No comments:
Post a Comment