એક રાજા હતો એક રાણી હતી,
એ તો તારી ને મારી કહાણી હતી…
એ તો તારી ને મારી કહાણી હતી…
કયાં હું ભુલો પડયો એ ખબર ના પડી,
મારી તો વાટ આખી અજાણી હતી…
મારી તો વાટ આખી અજાણી હતી…
માત્ર એના અનુભવ થયા સૌ નવા,
પ્રીત તો એની સાથે પુરાણી હતી…
પ્રીત તો એની સાથે પુરાણી હતી…
જીંદગી ના મે દિવસો જ ખર્ચ્યા કર્યા,
જીંદગીમાં બીજી કયાં કમાણી હતી…
જીંદગીમાં બીજી કયાં કમાણી હતી…
એક ચાદર હતી આભની ઓઢવા,
રાતના જોયું તો એ’ય કાણી હતી…
રાતના જોયું તો એ’ય કાણી હતી…
ભવ્ય કેવું હતુ મોત ‘બેફામ’ નું,
ભેદી ને દુશ્મનોમાં ઉજાણી હતી…
ભેદી ને દુશ્મનોમાં ઉજાણી હતી…
– બરકત વિરાણી ‘બેફામ’
No comments:
Post a Comment